Azərbaycanın müxtəlif regionlarından olan müəllim və məktəb direktorlarından ibarət "Bir Müəllimin Manifesti 2025" proqramının iştirakçıları və ADA Universitetinin heyəti beynəlxalq təhsil təcrübəsi qazanmaq məqsədilə Estoniya və Finlandiyaya yola düşüblər.
Gencexeber.az bildirir ki, "Bir Müəllimin Manifesti" proqramı Azərbaycanın regionlarında fəaliyyət göstərən ümumi təhsil müəssisələrinin direktorlarının və müəllimlərinin peşəkar inkişafını dəstəkləmək məqsədilə ADA Universitetinin Qazax Mərkəzi/Qazax Müəllimlər Seminariyasında həyata keçirilir. Proqram çərçivəsində iştirakçılar müasir tədris yanaşmaları ilə tanış olaraq beynəlxalq təcrübəni yaxından öyrənmək imkanı qazanırlar.
Ümumilikdə 21 nəfər proqram iştirakçısından 4 nəfər müəllim Gəncə-Daşkəsən Regional Təhsil idarəsinə tabe məktəblərdəndir.
Gəncə şəhərindən olan müəllimlər:
1.Lalə Cəfərova (Gəncə şəhər Fizika, riyaziyyat və informatika təmayüllü liseyin müəllimi);
2.Rüstəm Əkbərov (Gəncə şəhər Fizika, riyaziyyat və informatika təmayüllü liseyin müəllimi);
3.Gözəl İbrahimova (Mir Cəlal Paşayev adına 39 nömrəli tam orta məktəbin müəllimi);
4.Elnur İsmayılov (Gəncə şəhər 3 nömrəli tam orta məktəbin müəllimi).
