"Sabahın alimləri" layihə müsabiqəsində riyaziyyat kateqoriyası üzrə qızıl medal qazanan Gəncə şəhəri M.C.Paşayev adına 39 nömrəli tam orta məktəbin 10-cu sinif şagirdi Ömər Abdullayev və Gəncə şəhəri Ə.Cavad adına 2 saylı tam orta məktəbin 10-cu sinif şagirdi Salman Sadıxzadə növbəti mərhələ – ISEF-ə hazırlaşırlar.
Gencexeber.az bildiri ki, Gənc tədqiqatçıların hazırladıqları layihə uzun müddət hərəkətsiz qalan insanlarda yaranan yaraların qarşısını almağa yönəlib. Onlar insanların geyinə biləcəyi, çox bahalı olmayan xüsusi bir geyim hazırlayıblar. Bu sistem sensorlar vasitəsilə bədənin mövqeyini və təzyiq paylanmasını izləyir, toplanan məlumatları maşın öyrənməsi ilə analiz edir, real vaxtda risk səviyyəsini müəyyənləşdirir və risk artdıqda istifadəçiyə mövqeyini dəyişməsi üçün xəbərdarlıq göndərir
Layihənin əsas məqsədi texnologiyanın imkanlarından istifadə edərək bu problemi daha əlçatan və effektiv şəkildə həll etməkdir.
