Gəncədə 5 yaşlı güləşçi Heydər Əliyevin xatirəsinə keçirilən turnirin qalibi oldu.
Gencexeber.az məlumat verir ki, Gəncədə Ümummilli Lider Heydər Əliyevin anadan olmasının 102-ci ildönümü münasibətilə sərbəst güləş üzrə birincilik təşkil edilib. Turnir Gəncə şəhəri N.Nərimanov adına 25 nömrəli tam orta məktəbdə baş tutub. Orada müxtəlif yaş qruplarından idmançılar qüvvələrini sınayıb.
Yarışın ən diqqətçəkən iştirakçılarından biri 5 yaşlı Ağasif Tağızadə olub. İdmançı məşqçi Kənan Məmmədovun rəhbərliyi altında bütün rəqiblərinə qalib gələrək birinci yeri qazanıb.
Kiçik yaşına baxmayaraq göstərdiyi performansla fərqlənən Ağasif diplom və medalla təltif olunub.
