Gəncəli hüquqşünas Selcan Məmmədli 2026–2027-ci tədris ili üçün dünyanın nüfuzlu hüquq məktəblərinin bir neçəsinə eyni vaxtda qəbul alaraq mühüm uğura imza atıb.
Gencexeber.az-ın məlumatına əsasən, S.Məmmədli Harvard Hüquq Məktəbinə (tam təqaüd, LL.M.), Çikaqo Universitetinə (Mayli Scholarship – tam təqaüd, 84 000 ABŞ dolları), Nyu-York Universitetinə (LL.M., 25 000 ABŞ dolları təqaüd) və Kaliforniya Universitetinə (LL.M.) qəbul alıb.
Bundan əlavə, o, Almaniya hökumətinin DAAD ERP təqaüdünə və Avropa İttifaqının Erasmus Mundus MIPDAL proqramına da seçilib.
Selcan magistratura təhsili almaq üçün Harvard Hüquq Məktəbini seçib.
Qeyd edək ki, Selcan Məmmədli Gəncə Şəhəri İsrafil Məmmədov adına 27 nömrəli məktəb-liseyin məzunudur, 2018-ci ildə keçirilən qəbul imtahanında 700 bal toplayaraq Prezident təqaüdünə layiq görülüb. ADA Universitetinin Hüquq fakültəsində təhsil alıb.
