Əməkdar artist Aybəniz Haşımova başına gələn dələduzluq hadisəsindən danışıb.
Olay.аz xəbər verir ki, bu barədə sənətçi verilişlərdən birində bu barədə açıqlama verib.
O, qızı Aynişan Quliyevanın adından yazan dələduza aldanmasından söz açıb:
“Tələbəm Hikmətin qonaqlığı idi, başım ona qarışmışdı. O adam kimdirsə, mənim orada olduğumu bilib. Fikirləşib ki, əgər evdə olsam, ayıq başla onu yazanın Aynişan olub-olmadığını biləcəyəm. Sonra yazışmalara baxdım ki, nə qədər səhvləri var idi. Bir maraqlı məqam var ki, həmişə Aynişanın yazdığı cümləni yazmışdı: “Ana, mənə kartından pul göndərərsən?”.
Elə olur ki, kartında problem olur, ya da kartla köçürməli olur. Kimdənsə şübhələnmək, ürəyimi bulandırmaq istəmirəm. Sevinirəm ki, o adam övladımı nə qədər sevdiyimi bildi. 1200 manat göndərdim. Getdi... Polisə müraciət etmişik”.
