Gəncədə dörd maşının iştirakı ilə zəncirvari qəza baş verib.
Gencexeber.az məlumat verir ki, hadisə şəhərin Eminbəyli küçəsində qeydə alınıb. "Toyota Prius" markalı avtomobil hərəkətdə olan "Mercedes-Benz Gelandewagen"ə çırpılıb.
Daha sonra isə zərbənin təsirindən yolun kənarında park edilən "Chevrolet Cruz" və "Volkswagen" markalı avtomobillərlə toqquşub.
Qəza zamanı xəsarət alan olmayıb. Hər dörd maşına ciddi ziyan dəyib.
Hadisə yerinə yol polisi əməkdaşları cəlb olunub. Faktla bağlı araşdırma aparılır.
