Gəncənin asfalt örtüyü bir müddət öncə yenilənən Heydər Əliyev prospektində “Aztelekom” tərəfindən aparılan qazıntı işləri sürücülər və yerli sakinlər arasında ciddi narazılığa səbəb olub.
Bununla bağlı Gencexeber.az-a şikayət ünvanlanıb.
Bildirilir ki, prospektdə qısa müddət əvvəl su və kanalizasiya xətləri yenilənib, ardınca isə asfalt örtüyü bərpa olunub.
“Gəncədə yol problemindən, yolların qazılmasından artıq təngə gəlmişik. Bilirdilər ki, sözügedən yol asfaltlanacaq və kommunal işlər bu prosesdən öncə həyata keçirilməli idi. Gəncədə isə işlər tərsinə görülür. Olmazdı ki, bu rabitə infrastrukturu ilə bağlı işlər küçə asfatlanmadan öncə görülsün? Elə bil aidiyyəti qurumlar yolları qazmağı, çala-çuxur əmələ gətirməyi qarşılarına hədəf qoyublar. Bu cür işlər koordinasiyalı şəkildə həyata keçirilməli, təmir və qazıntı işləri əvvəlcədən planlaşdırılmalıdır”, - şikayətdə deyilir.
