Gəncədə Əli Nəzmi və Bəxtiyar Əliyev küçələrinin kəsişməsində, Gəncə şəhər Psixiatriya Xəstəxanasının yaxınlığında yerləşən yaşayış massivi zibilliyə çevrilib.
Məsələ ilə bağlı Gencexeber.az-a şikayət ünvanlayan sakinlər bildirirlər ki, ərazidə zibil konteynerləri olsa da, məsuliyyətsiz vətəndaşlar məişət tullantılarını ətrafa tökürlər.
Şikayətçilər bildirirlər ki, dəfələrlə həmin qonşulara xəbərdarlıq edilməsinə baxmayaraq yenə də eyni əməli törətməkdən çəkinmirlər.
Sözügedən ərazi artıq zibil poliqonuna çevrilməyə başlayıb.
Vətəndaşlar aidiyyəti qurumlardan ərazinin təmizlənməsini və məsuliyyətsiz sakinlərə xəbərdarlıq edilməsini xahiş edirlər.
