Bir neçə gün əvvəl baş verən insident zamanı xəsarət alan və daha sonra Bakıda xəstəxanaya yerləşdirilən Gəncə məktəblisinin son durumu açıqlanıb.
Gencexeber.az-a Tibbi Ərazi Bölmələrini İdarəetmə Birliyindən (TƏBİB) verilən məlumata əsasən, aprelin 22-də 2009-cu il təvəllüdlü şəxs (kişi) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
“Boyunun, döş qəfəsinin, budun açıq yarası diaqnozları təyin edilən şəxsə zəruri tibbi xidmətlər göstərilib. Pasiyent daha ixtisaslı tibbi xidmət almaq üçün aprelin 23-də paytaxtdakı tibb müəssisəsinə hospitalizasiya olunub”, - açıqlamada qeyd olunub.
11:05
Bir neçə gün öncə Gəncə şəhərində məktəbdə baş verən insident zamanı xəsarət alan məktəbli müalicə üçün Bakıda xəstəxanaya yerləşdirilib.
Gencexeber.az-ın məlumatına əsasən, xəsarət alan Fərid Quliyev müalicə üçün Kliniki Tibbi Mərkəzə köçürülüb.
Qeyd edək ki, hadisə şəhərin Yeni Gəncə yaşayış massivində baş verib. Ə.Cavad adına 2 saylı tam orta məktəbin şagirdləri arasında dava düşüb.
