Gəncədə təhlükə saçan ağac budanıb.
Gencexeber.az məlumat verir ki, Gəncənin Hacı Zeynalabdin Tağıyev küçəsində, 10 saylı Gəncə Ərazi Ekologiya və Təbii Sərvətlər Şöbəsinin yaxınlığında qəzalı vəziyyətdə olan çinar ağacının iri budaqları Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən budanıb.
MKTİB tərəfindən görülən qabaqlayıcı tədbirlər nəticəsində iri gövdəli çinar ağacının təhlükə yaradan qurumuş budaqları kəsilib, doğranaraq daşınması təmin edilib.
Qeyd edək ki, bir neçə gün öncə qəzalı vəziyyətdə olan çinar ağacının iri budaqlarından biri sınaraq yola düşüb. Xoşbəxtlikdən ərazidən keçən insanların üzərinə düşməyib və bədbəxt hadisə baş verməyib.
