Ötən həftə Gəncə şəhərində əsən güclü külək nəticəsində dam örtükləri zərər çəkmiş yaşayış binalarında, ümumi və fərdi yaşayış evlərində Mənzil Kommunal Təsərrüfatı İstehsalat Birliyi (MKTİB) tərəfindən yenidənqurma və təmir-bərpa işləri davam etdirilir.
Gencexeber.az bildirir ki, təbii fəlakət nəticəsində Xəlil Bəy Xasməmmədov küçəsi 16 ünvanda yerləşən evdə, yararsız hala düşən dam örtüyü MKTİB-nin Təmir-Tikinti və Təchizat şöbəsi tərəfindən yenilənir. İşlərin tez bir zamanda başa çatdırılılması nəzərdə tutulur.
Xatırladaq ki, güclü küləyin təsiri nəticəsində yararsız hala düşən Nizami Gəncəvi prospekti bina 10, Nizami Gəncəvi prospekti döngə 1 bina 6, Fikrət Əmirov küçəsi bina 24, 20 Yanvar küçəsi dalan 7 ev 3 və bir neçə digər ünvanlarda da analoji təmir-bərpa işləri görüləcək.
Qeyd edək ki, aparılan işlərə MKTİB-nin canlı qüvvəsi və xüsusi təyinatlı texnikaları cəlb olunub.
