Gəncədə çoxsaylı qəzaların baş verdiyi küçədə yenə qəza oldu.
Gencexeber.az-ın məlumatına görə, qəza şəhərin Ozan və Xudadbəy Rəfibəyli küçələrinin kəsişməsində baş verib. Hadisə zamanı "Mercedes" markalı avtomobillə "VAZ-2107" markalı nəqliyyat vasitəsi toqquşub.
Müşahidə kamerasına düşən görüntülərdən görünür ki, "Mercedes" markalı avtomobilin sürücüsü "Yol ver" nişanının tələbinə əməl etmədən hərəkətinə davam edir.
Hadisə yerinə polis əməkdaşları cəlb edilib. Faktla bağlı araşdırma aparılır.
Qeyd edək ki, sözügedən kəsişmə şəhərdə qəzaların tez-tez baş verdiyi ərazilərdən biri hesab olunur. Sakinlərin sözlərinə görə, burada dəfələrlə analoji yol-nəqliyyat hadisələri qeydə alınıb.
