Gəncə şəhəri, Heydər Əliyev prospektinin 2-ci döngəsində (keçmiş Zərrabi küçəsi) yolun vəziyyəti ilə bağlı sakinlərin narazılığı aradan qaldırılıb.
Daha əvvəl Gencexeber.az-a daxil olan müraciətlərdə ərazidə işıq dirəklərinin quraşdırılması məqsədilə asfalt örtüyünün qazıldığı, işlər başa çatdıqdan sonra isə yolun əvvəlki vəziyyətinə gətirilmədiyi bildirilmişdi.
Sakinlər yolun yararsız vəziyyətdə olmasının həm piyadaların, həm də avtomobillərin hərəkətində çətinlik yaratdığını, yağışlı havalarda isə ərazidə su toplandığını qeyd etmişdilər.
Aidiyyəti qurum tərəfindən yolun qazılan hissələri asfaltlanıb.
