Gəncə şəhərinin Yeni Gəncə yaşayış massivinin 2-ci mikrorayonunda sakinlər su problemindən şikayətlənirlər.
Sakinlərin Gencexeber.az-a müraciətində bildirilir ki, 5, 6, 7 və 8 saylı binaların həyətindəki su borusu təxminən bir aydır ki, partlayıb və nasaz vəziyyətdədir. Buna görə də mənzillərə suyun təchizatı natamam həyata keçirilir.
Sakinlərin sözlərinə görə, xüsusilə səhər saatlarında su verildikdə borudakı təzyiq artır və partlayan hissədən su güclü şəkildə çıxaraq ərazidə fəvvarə əmələ gətirir.
Onlar problemin uzun müddətdir həll olunmamasından narazıdır və aidiyyəti qurumlardan su xəttinin təcili təmir edilməsini xahiş edirlər.
