Gəncə şəhəri Mirzə Cəfər Topçubaşov küçəsi, bina 11-in sakinləri yaşadıqları ərazidə bir sıra problemlərin olduğunu bildiriblər.
Sakinlərin Gencexeber.az-a müraciətində qeyd olunur ki, məhəllədə küçələrin vəziyyəti ürəkaçan deyil. Onların sözlərinə görə, küçələr toz-torpaq içindədir, gecə saatlarında isə ərazidə işıqlandırma olmadığından zülmət qaranlıq çökür.
Vətəndaşlar həmçinin avtobus dayanacaqlarının yaşayış binalarından uzaqda yerləşməsindən də narazılıq edirlər.
Bina 11-in sakinləri ərazidəki problemlərin aradan qaldırılması və yaşayış şəraitinin yaxşılaşdırılması üçün aidiyyəti qurumlar tərəfindən müvafiq tədbirlərin görülməsini xahiş edirlər.
