Gəncə şəhərində avtobus dayanacaqlarından birinin qəzalı vəziyyətdə olması sərnişinlər üçün çətinlik yaradır.
Gencexeber.az məlumat verir ki, şəhərin Şah İsmayıl Xətai prospekti ərazisində, "Pirbor zavodunun qarşısı" kimi tanınan hissədə yerləşən dayanacağın vəziyyəti ürəkaçan deyil. Bir müddət öncə baş vermiş qəza nəticəsində dayanacağa ciddi ziyan dəyib.
Üzərində məlumat lövhəsi yerləşən dayaqlardan biri əzilərək əyilib. Bundan əlavə, plastmas materialdan olan yarımşəffaf dam örtüyünün böyük hissəsi qırılaraq yerə tökülüb.
Nəticədə, sözügedən avtobus pavilyonu hazırda sərnişinlərin istifadəsi üçün yararsız vəziyyətdədir.
