Gəncə Şəhər İcra Hakimiyyəti və Gəncə Şəhər Baş Polis İdarəsinin əməkdaşları tərəfindən şəhərdə pərakəndə ticarət hallarının geniş yayıldığı ərazilərdə reydlər keçirilir, aşkar edilən neqativ halların qarşısının alınması məqsədilə qanunamüvafiq tədbirlər görülür.
Gencexeber.az quruma istinadən bildirir ki, şəhərin Ş.İ.Xətai prospektində və Dədə Qorqud küçəsində qanunsuz küçə ticarəti ilə məşğul olan şəxslərlə maarifləndirici və izahedici söhbətlər aparılıb.
Aparılan izahedici söhbətlərə və edilən xəbərdarlıqlara məhəl qoymayan şəxslər barəsində isə Azərbaycan Respublikasının İnzibati Xətalar Məcəlləsinin 454-cü maddəsinə uyğun olaraq protokollar tərtib edilib.
