Gəncə şəhərində təmir edilən yollardan birində piyada keçidlərində təhlükəli vəziyyət yaranıb.
Gencexeber.az-a müraciət edən sakinlər bildiriblər ki, söhbət Üzeyir Hacıbəyov küçəsində, Sovxoz–Nizami dairəsi istiqamətində yerləşən yoldan gedir.
Onların sözlərinə görə, yol təmir edildikdən sonra ərazidə mövcud piyada keçidlərinin asfalt üzərində nişanlanma xətləri çəkilməyib.
Sakinlər qeyd ediblər ki, yol nişanları mövcud olsa da, xətlərin olmaması həm sürücülər, həm də piyadalar üçün qeyri-müəyyən və təhlükəli vəziyyət yaradır.
Vətəndaşlar aidiyyəti qurumlardan məsələyə təcili müdaxilə edilməsini, ərazidə yol nişanlanma xətlərinin və piyada keçidlərinin çəkilməsini, piyadaların təhlükəsizliyinin təmin olunmasını istəyiblər.
