Xalq artisti Fidan Hacıyevanın III Beynəlxalq Opera Festivalı çərçivəsində Gəncə və Şəmkirdə iki xüsusi konsert proqramı təqdim olunacaq.
Gencexeber.az bildirir ki, "Sənətin Gəncə Sədası" adlı konsert 2 oktyabrda saat 19:00-da Yeni Azərbaycan Partiyasının Gəncə şəhər təşkilatının böyük zalında baş tutacaq.
Tədbirdə Azərbaycanın Xalq artisti Fidan Hacıyeva və gənc solistlər çıxış edəcəklər. Sənətçiləri "Mezzo" Kamera Orkestri müşayiət edəcək.
Festivalın əsas məqsədlərindən biri klassik musiqi və opera sənətinin təbliği, gənc vokalçıların yaradıcılığının dəstəklənməsi və regionlarda yüksək səviyyəli musiqi tədbirlərinin təşkilidir.
