Gəncə şəhər İcra Hakimiyyəti Mənzil Kommunal Təsərrüfatı İstehsalat Birliyinin (MKTİB) əməkdaşları tərəfindən Nizami Gəncəvi Məqbərəsinin ətrafı və hava limanı yolunun sağ, sol hissəsi kol-kosdan, alaq otlarından, toz-torpaq və məişət tullantılarından təmizlənib.
Gencexeber.az bildirir ki, yağmurlu havalardan sonra ərazidə yığılıb qalan palçıq kütlələri bir yerə yığılaraq ərazidən daşınması təmin edilib.
Adıçəkilən ərazilərdə mövcud yaşıllıq zolağına aqrotexniki qulluq göstərilib, suvarılması təmin edilib. Təmizlik aksiyasına MKTİB-in canlı qüvvə və texnikaları cəlb olunub.
