Xəbər verdiyimiz kimi, Gəncənin Adilxan Ziyadxanov küçəsində mövcud iki zibil qabından biri yararsız halda olub.
Gencexeber.az-a Mənzil Kommunal Təsərrüfatı İstehsalat Birliyi (MKTİB) tərəfindən verilən məlumata görə, qurumun Təmizlik şöbəsinin əməkdaşları və texnikaları vasitəsilə sözügedən ərazidə yararlıq müddətini başa vuran məişət tullantıları konteyneri əvəzlənib.
"Adıçəkilən küçədə iki zibil qabı var. Mövcud konteynerlərdən birinin yararsız halda olması vəziyyəti çətinləşdirirdi. Nəticədə tullantılar küçəyə tökülür, bu da antisanitar şəraitin yaranmasına səbəb olurdu. Vətəndaşların müraciətləri əsasında yararsız vəziyyətdə olan qabın yenisi ilə əvəz olunması təmin edildi", – MKTİB-dən bildirilib.
