Gəncədə xəsarət alan motosiklet sürücüsünün vəziyyəti məlum olub.
Gencexeber.az-a Tibbi Ərazi Bölmələrini İdarəetmə Birliyindən (TƏBİB) bildirilib ki, bu gün 2004-cü il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
“Sol diz, sol budun üçdə bir hissəsinin, sol əlin ovuc hissəsinin sıyrılı yarası diaqnozu təyin edilən şəxsə zəruri tibbi xidmətlər göstərilib. Müalicəsi müvafiq şöbədə davam etdirilir, vəziyyəti orta ağırdır”, - məlumatda qeyd olunub.
12:06
Gəncədə yol-nəqliyyat hadisəsi baş verib.
Gencexeber.az-ın məlumatına əsasən, hadisə şəhərin Atatürk prospektində qeydə alınıb.
Hərəkətdə olan motosikletlə minik avtomobili toqquşub. Qəzada motosikletin sürücüsü 2004-cü il təvəllüdlü H.Qasımov xəsarət alaraq xəstəxanaya yerləşdirilib, vəziyyətinin orta-ağır olduğu bildirilir.
Faktla bağlı araşdırma aparılır.
