Gəncədə Tağı Arani küçəsinin asfalt örtüyü bərbad vəziyyətdədir.
Gencexeber.az-a şikayət ünvanlayan sürücülər bildirir ki, çalalar və deformasiyaya uğramış asfalt örtüyü nəqliyyatın hərəkətinə mane olur.
“Sözügedən küçə həm Bayraq Meydanının yaxınlığında yerləşdiyinə, həm də Beynəlxalq bankın qarşısı olduğuna görə daha çox diqqət tələb edir. Bu cür mərkəzi bir yolun belə vəziyyətdə saxlanılması yolverilməz haldır. 6 aydan çoxdur ki, sözügedən küçə bərbad vəziyyətdədir. Aidiyyəti qurumların sanki xoşu gəlir ki, sakinlər problemi harasa şikayət etsin, sonra təmir işləri görülsün. Ümid edirik ki, şikayətimizdən sonra asfalt örtüyü bərpa ediləcək”, - sakinlər bildiriblər.
