Gəncə şəhərinin Gülüstan qəsəbəsində yollar yararsız vəziyyətə düşüb.
Gencexeber.az-a daxil olan şikayətlərə görə, "AQTA-6" adlanan ərazidə (Üzümçülüyün yanı) və qəsəbənin mərkəzi hissəsində yol bir neçə hissədə dağılıb. Cəmi bir il öncə salınan yeni asfalt örtüyü kanalizasiya xətlərinin təmiri zamanı qazılıb.
Burada nəqliyyat vasitələrinin şəhər daxilində icazə verilən sürət həddi ilə hərəkəti mümkünsüzdür.
Şikayətçi qeyd edir ki, problem yalnız bu ərazilərlə məhdudlaşmır. Belə ki, Kəlbəcər rayon 55 nömrəli tam orta məktəbə gedən yolda vəziyyət daha ağırdır. Həmin ərazidə əvvəllər mövcud olan asfalt örtüyündən yalnız kiçik adacıqlar qalıb. Yolun çox hissəsi çöküb, şagirdlərin məktəbə gediş-gəlişi üçün isə risk yaranıb.
