Gəncə şəhər İsmət Qayıbov adına 1 nömrəli tam orta məktəbdəki pilləkən məhəccərləri təhlükə saçır.
Məsələ ilə bağlı Gencexeber.az-a şikayət ünvanlayan valideynlər bildirir ki, məktəb pilləkənlərinin məhəccəri şagirdlər üçün ciddi risk yaradır.
Onların sözlərinə görə, məhəccərlər həm hündür quraşdırılıb, həm də bəzi hissələri qırıq və dayanıqsız vəziyyətdədir.
"Qırılan hissələr məftil vasitəsilə bərkidilib, 4-cü mərtəbədə isə bir hissə ümumiyyətlə yoxdur. Şagirdlərdən biri ehtiyatsızlıqdan digərinə toxunsa, bədbəxt hadisə baş verə bilər. Dərs ilinin əvvəlində məktəb rəhbərliyinə məlumat verilib. Məktəb rəhbərliyi tərəfindən problemin araşdırıldığı deyilsə də, indiyədək hər hansı dəyişiklik edilməyib. Bu problemin həll edilməsini, məhəccərlərin təhlükəsiz vəziyyətə gətirilməsini xahiş edirik", - şikayətçi valideynlər bildirib.
