Gəncə şəhərində sakinlərin təhlükəsizliyi ilə bağlı narahatlıq doğuran hadisə baş verib.
Gencexeber.az-a Sürəyya Qacar küçəsinin (keçmiş Pavlov küçəsi) sakinləri tərəfindən daxil olan çoxsaylı şikayətlərə əsasən, həmin küçədə yaşayan Elnur Teyyub oğlu Axundov adlı şəxs qonşulara qarşı aqressiv davranışlar nümayiş etdirir.
İddia olunur ki, təxminən 35 yaşlı E.Axundov qonşusuna məxsus "Chevrolet Cruze" markalı avtomobilə qəsdən ziyan vurub. Belə ki, o, daş vasitəsilə avtomobilin iki sol qapısının şüşələrini tamamilə sındırıb, ön şüşəni və nəqliyyat vasitəsinin müxtəlif hissələrini cızaraq vandallıq əməlləri törədib.
Zərərçəkənlər faktla bağlı aidiyyəti qurumlara müraciət ediblər. Hazırda hadisə ilə bağlı araşdırma aparılır.
Sakinlərin bildirdiyinə görə, adı çəkilən şəxsin psixoloji vəziyyəti uzun müddətdir ki, qənaətbəxş deyil. Qeyd olunur ki, son 7 il ərzində o, dəfələrlə törətdiyi əməllərə görə hüquq-mühafizə orqanları tərəfindən psixoloji dispanserlərə göndərilib. Lakin müayinələr zamanı psixoloji durumu yerində hesab edildiyindən azadlığa buraxılıb.
Küçə sakinlərinin sözlərinə görə, E.Axundov mütэmadi oğurluq da edir. Bildirilir ki, ailə üzvləri onunla bir evdə yaşamaqdan imtina edərək başqa ünvana köçüblər. Hazırda isə onun səfil həyat tərzi sürməsi ərazidə yaşayan insanlar üçün ciddi narahatlıq və qorxu mənbəyinə çevrilib.
Sakinlər aidiyyəti qurumlardan müvafiq tədbirlərin görülməsini xahiş edirlər.
