Mayın 20-də, saat 11:00-da Azərbaycan Dövlət Aqrar Universitetinin Mühəndislik fakültəsində "18-ci Karyera Sərgisi" təşkil olunacaq.
Gencexeber.az bildirir ki, tələbə və məzunların karyera inkişafına dəstək məqsədi daşıyan sərgidə iştirakçılar əmək bazarının tələbləri ilə yaxından tanış olmaq, müxtəlif müəssisə və təşkilat nümayəndələri ilə birbaşa ünsiyyət qurmaq, eləcə də mövcud vakansiyalar və karyera imkanları barədə məlumat əldə etmək imkanı qazanacaqlar.
Tədbir çərçivəsində iştirakçılar işəgötürənlərlə görüşərək gələcək əməkdaşlıq imkanlarını da dəyərləndirə biləcəklər.
