Yağan yağışlardan sonra Gəncənin Sevinc qəsəbəsində yerləşən 2 saylı Gəncə regional "ASAN xidmət" mərkəzinin arxasında yolun hərəkət hissəsində iri su gölməçələri əmələ gəlib.
Gencexeber.az məlumat verir ki, nəticədə sürücülər avtomobillərinə ziyan dəyməməsi üçün məcburən sürəti minimuma endirirlər.
Bundan öncə, redaksiyamızın məsələni dəfələrlə işıqlandırmasından sonra aidiyyəti qurumlar əraziyə cəlb olunmuşdu. Xüsusi texnika vasitəsilə yolun üzərində yığılmış su çəkilərək hərəkət bərpa edilmişdi.
Lakin sakinlərin sözlərinə görə, illərdir davam edən bu problem köklü şəkildə həllini tapmayıb. Onlar bildirirlər ki, suyun hər yağışdan sonra yolda toplanmasının qarşısını almaq üçün müvafiq qurumlar tərəfindən ciddi tədbirlər görülməlidir.
