Gəncədə əsən güclü külək nəticəsində şəhər ərazisində bir neçə iri gövdəli ağacın aşması qeydə alınıb.
Gencexeber.az məlumat verir ki, Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin əməkdaşları tərəfindən təbiət hadisəsinin yaratdığı fəsadlar aradan qaldırılıb.
MKTİB-nin canlı qüvvəsi və texnikaları vasitəsilə Gülüstan qəsəbəsində kökündən qopan 2 qovaq ağacı ərazidən daşınıb. Bundan başqa, Heydər Əliyev prospektində çinar ağacının, Əli Nəzmi küçəsində sərv ağacının, Bayraq Meydanında isə qovaq ağaclarının qopan budaqları və aşma təhlükəsi olan ağaclar da zərərsizləşdirilib.
