Gəncədə el arasında "Dubay bazarı" kimi tanınan "Abad" ticarət mərkəzində yanğın baş verib.
Gencexeber.az-ın məlumatına görə, hadisə bazarın ərazisində fəaliyyət göstərən çayxanalardan birində qeydə alınıb.
İlkin məlumata əsasən, çayxanada qaz balonunun alışması nəticəsində alov mebellərə keçib.
Hadisə yerinə Yanğından Mühafizə İdarəsinin yanğınsöndürən texnikası və canlı qüvvəsi cəlb olunub. Görülən operativ tədbirlər nəticəsində yanğın söndürülüb, alovun ətraf ərazilərə yayılmasının qarşısı alınıb.
Hadisə zamanı xəsarət alan olmayıb. Faktla bağlı araşdırma aparılır.
