Gəncədə 21 yaşlı oğlan azyaşlı qızı zorlayıb.
Gencexeber.az-ın əldə etdiyi məlumata görə, hadisənin istintaqı Gəncə Ağır Cinayətlər Məhkəməsinin hakimi Dadaş İmanovun sədrliyi ilə keçirilib.
Belə ki, təqsirləndirilən Əhməd Qafarov (ad şərtidir) 2004-cü ildə Samux rayonunda doğulub. 2022-ci ilin oktyabrın 10-da dostu Əli Səfərovun (ad şərtidir) evində təşkil olunan “əsgər qonaqlığı”na gedib. Həmin evin həyətində oynayan, 2016-cı il təvəllüdlü Nigar Balayevanı (ad şərtidir) görüb. Azyaşlını gördükdən sonra cinsi istəyi yüksəlib və onu zorlamaq qərarına gəlib. Cinayətkar niyyətini həyata keçirmək üçün gəl gedək səninlə gödəkçəmi evdən götürək gələk deyib. Beləliklə, onu aldadaraq əlindən tutub evdən uzaqlaşdırıb. Əlindən çıxmaq istəyən Nigarı buraxmayıb. Kənd arasında “kanalın üstü” adlanan yerə aparıb, orada qızın əynində olan üst və alt paltarlarını çıxarıb. Nəticədə cinsi tələbatı ödəmək üçün azyaşlı ilə həm təbii, həm də qeyri-təbii yolla münasibətdə olub.
Daha sonra törətdiyi cinayətin üstünün açılmaması məqsədi ilə uşağı kanalla axan suyun yaxınlığına gətirib. Bu barədə ata və anasına deyəcəyi təqdirdə onu suya ataraq öldürəcəyini deyib.
Əhməd Qafarov Azərbaycan Respublikası CM-nin 134, 149.3.3 və 150.3.3-cü maddələri ilə təqsirləndirilib.
Məhkəmədə təqsirləndirilən şəxs qismində dindirilən Əhməd Qafarov ittihamlar üzrə özünü təqsirli bilməyib. İfadəsində göstərib:
“Hadisəni mən törətməmişəm. Buna görə də özümü təqsirli bilmirəm. Hadisə günü “əsgər qonaqlığı”nda iştirak etdikdən sonra Fəxrəddinlə birlikdə şəhərə getdik. Şəhərdən geri qayıtdıqdan sonra “Oba” marketin yan küçəsində siqaret çəkdiyim zaman Ruslan adlı şəxs məni tutaraq döyüb, polis şöbəsinə apardı”.
Məhkəmə istintaqında qanuni nümayəndənin iştirakı ilə zərərçəkmiş Nigar Balayeva ifadə verib:
“Hadisə günü babamgildə idim. Əhməd məni yanına çağırıb, “gödəkcəmi bir nəfər sizin evin qabağına aparıb. Sizin eviniz haradadır?” dedi. Mən də ona evin yolunu göstərdim. Bir az getdikdən sonra o məni razılığım olmadan yerə uzandıraraq çox pis şey etdi. Anlamadım, amma çox ağrıdırdı. Ağrıdan ağlayırdım. Daha sonra baş verən hadisə ilə bağlı kiməsə söyləsəm məni kanala atacağını dedi”.
Bundan başqa məhkəmədə Nigar Balayevanın anası da olanları danışıb:
“Həmin gün başım qonaqlara qarışdı. Anam gələrək Nigarın ortalıqda olmadığını dedi. Düşündüm ki, haradasa başı oyuna qarışıb. Bir müddət keçəndən sonra yenə tapa bilmədik. Qonaqlıqdakı insanlarla birlikdə Nigarı axtarmağa çıxdıq. Yolda Nigarın ağlaya-ağlaya gəldiyini gördüm. Onu evə aparıb nələr olduğunu soruşanda paltarlarına qan bulaşdığını, üst geyiminin isə tərs geyinildiyini gördüm. Bunun səbəbini qızımdan soruşanda bir əminin etdiyini dedi. Sonra da hadisəni araşdıranda edənin Əhməd olduğu məlum oldu”.
Tərəflərin çıxışından sonra məhkəmə müşavirəyə yollanıb. Sonda məhkəmənin qərarı ilə Natiq Qafarov 10 il müddətində azadlıqdan məhrum edilib.
Fidan İlqar
