Xəbər verdiyimiz kimi, ötən gün Gəncədə dava zamanı 3 nəfər bıçaqlanıb.
Gencexeber.az-a Tibbi Ərazi Bölmələrini İdarəetmə Birliyindən bildirilib ki, xəstəxanaya yerləşdirilən hər üç şəxsə tibbi yardım göstərildikdən sonra evə buraxılıb.
"Aprelin 27-də saat 17:30-da Gəncə Şəhər Birləşmiş Xəstəxanasının nəzdində olan akademik Z.Məmmədov adına xəstəxananın Təcili tibbi yardım şöbəsinə 3 nəfər (kişi cinsli) hospitalizasiya olunub.
2002-ci il təvəllüdlü şəxsə döş qəfəsinin və bud nahiyəsinin kəsilmiş yarası, 1996-cı il təvəllüdlü şəxsə başın və sol dirsəyin kəsilmiş yarası, 1998-ci il təvəllüdlü şəxsə isə budun açıq yarası diaqnozları təyin edilib.
Pasiyentlərə zəruri tibbi yardımlar göstərilib, vəziyyətləri stabil olan şəxslər ambulator müalicə üçün evə buraxılıblar" , - açıqlamada qeyd olunub.
