"BakuBus" MMC-yə məxsus marşrut xətlərində çalışan sürücü və dispetçerlər üçün yaradılan şərait ürəkaçan deyil.
Gencexeber.az-a sakinlər tərəfindən təqdim olunan görüntülərdən də aydın sezilir ki, Gəncə şəhərinin Avtozavod qəsəbəsi, Süleyman Rüstəm küçəsində yerləşən Gəncə Avtomobil Zavodunun qarşısında şəhərdə gün ərzində fasiləsiz sərnişindaşımanı həyata keçirən sürücülər üçün elementar istirahət və sığınacaq şəraiti təmin olunmayıb.
Xüsusilə qış aylarında, havaların getdikcə sərtləşdiyi bir vaxtda sürücülər nəqliyyat vasitəsindən kənar vaxtlarını ya açıq havada, soyuqda keçirməyə məcbur qalır, ya da dispetçerlər üçün qurulmuş, taxta və sellofan materiallarla bükülmüş, müvəqqəti və primitiv tikiliyə sığınırlar.
Sakinlər bildirirlər ki, belə şərait həm sürücülərin sağlamlığı, həm də sərnişin təhlükəsizliyi baxımından ciddi risk yaradır.
