Gəncədə iki avtomobilin toqquşması ilə nəticələnən yol-nəqliyyat hadisəsi baş verib.
Gencexeber.az-ın məlumatına görə, qəza şəhərin General Əsədov küçəsi ilə İsrafil Məmmədov küçəsinin kəsişməsində qeydə alınıb.
Hərəkətdə olan "VAZ-2107" və JAC markalı minik avtomobilləri toqquşub. Zərbənin təsirindən hər iki avtomobil idarəetmədən çıxaraq yol kənarında yerləşən qaz xəttinə və qazpaylayıcı şkafa çırpılıb.
Qəza zamanı xəsarət alan olmasa da, avtomobillərə ciddi ziyan dəyib. Hadisə nəticəsində qaz təsərrüfatı yararsız vəziyyətə düşüb. Hazırda ərazidə təchizatda fasilə yaranıb.
Hadisə yerinə aidiyyəti qurumların əməkdaşları cəlb olunub.
Faktla bağlı araşdırma aparılır.
