Gəncədə "BakuBus" avtobuslarında unudulan əşyalarla bağlı müraciət qaydası açıqlanıb.
Gencexeber.az quruma istinadən bildirir ki, müraciətlər "BakuBus" MMC-nin 141 Çağrı mərkəzi, rəsmi sosial media kanalları, eləcə də info@bakubus.az elektron poçt ünvanı vasitəsilə qəbul olunur.
Müraciətin araşdırılması üçün əşya sahibinin adı və soyadı, itirilmiş əşyanın ətraflı təsviri, əşyanın itirildiyi marşrut xəttinin nömrəsi, avtobusun dövlət qeydiyyat nişanı və ya eyniləşdirmə nömrəsi, həmçinin hadisənin təxmini baş verdiyi tarix və saat barədə məlumatların təqdim edilməsi xahiş olunur.
Qeyd olunan məlumatlar əsasında müvafiq araşdırma aparılır və nəticə barədə müraciət edən şəxsə ətraflı məlumat verilir.
