Gəncə şəhərinin Sadıllı qəsəbəsi ərazisində bəzi yollar yararsız vəziyyətdədir.
Gencexeber.az-a daxil olan şikayətlərə görə, "BakuBus"a məxsus 12 nömrəli marşrut xəttinin hərəkət etdiyi, "Nur Market"in yaxınlığından şəhər mərkəzi istiqamətinə uzanan yolun bir hissəsi uzun müddətdir təmir olunmayıb. Nəticədə yolda çoxsaylı çala və çökəkliklər yaranıb.
Sakinlərin sözlərinə görə, yolun bərbad vəziyyətdə olması həm sərnişinlərin rahatlığını pozur, həm də marşrut xəttində istifadə olunan yeni avtobusların texniki vəziyyətinə mənfi təsir göstərir. Onlar bildirirlər ki, hər gün bu yoldan keçən nəqliyyat vasitələri ciddi yüklənməyə məruz qalır və bu da avtobusların vaxtından əvvəl sıradan çıxması riskini artırır.
Vətəndaşlar qeyd olunan ərazidə yolun əsaslı şəkildə təmir olunmasını və problemin qısa zamanda aradan qaldırılmasını istəyirlər.
