Gəncədə ölümlə nəticələnən ağır yol-nəqliyyat hadisəsi baş verib.
Gencexeber.az bildirir ki, şəhərin Heydər Əliyev prospektində hərəkətdə olan "BMW" markalı minik avtomobili idarəetmədən çıxaraq yol kənarında dayanmış "Chevrolet" markalı maşına, daha sonra isə ağaca və köşkə çırpılıb.
Qəza zamanı ərazidə təmizlik işləri aparan 1965-ci il təvəllüdlü Zəminə Qurbanova minik maşını ilə köşkün arasında sıxılıb qalıb. Qadın hadisə yerində həyatını itirib.
Faktla bağlı araşdırma aparılır.
