Gəncə şəhərinin küçə, prospekt və parklarında, eləcə də yaşayış məhəllələrində abadlıq işlərinin görülməsi ilə bağlı satınalma elan edilib.
Gencexeber.az məlumat verir ki, satınalmanı Gəncə Şəhər Mənzil-Kommunal Təsərrüfatı İstehsalat Birliyi həyata keçirir.
Satınalmanın adı "Gəncə şəhərinin küçələrində, prospektlərində, parklarında və Birliyin balansında olan binaların yerləşdiyi məhəllələrdə abadlıq işlərinin satın alınması"dır.
Satınalmanın ehtimal olunan qiyməti 4 milyon 690 min 22 manat 10 qəpik müəyyənləşdirilib.
Müsabiqənin nömrəsi 2026/AT/04449/V1, təsnifat kodu isə 72102900 "Obyektlərin cari və əsaslı təmir işləridir".
Tender üzrə təkliflərin son təqdim olunma tarixi 7 oktyabr 2026-cı il saat 19:00 müəyyən edilib. Zərflərin açılışı da həmin gün və saatda keçiriləcək.
Satınalan təşkilatın VÖEN-i 2300336431, ünvanı isə Heydər Əliyev Meydanı, inzibati bina, otaq 410 göstərilib.
