Ölkə ərazisində fəaliyyət göstərən ümumtəhsil müəssisələrində Azərbaycan Qida Təhlükəsizliyi Agentliyi tərəfindən monitorinqlər aparılır.
Gencexeber.az bildirir ki, cari ilin mart ayı ərzində 390 ümumtəhsil müəssisəsində monitorinq keçirilib. Həmin məktəblərdən 263-də ciddi sanitar pozuntular (sanitar-texniki və sanitar-gigiyenik vəziyyətin qeyri-qənaətbəxş olması, məhsulların saxlanması zamanı temperatur rejiminə düzgün əməl olunmaması, işçilərin məcburi tibbi müayinədən keçməməsi və şəxsi gigiyena qaydalarına əməl etməməsi, qida blokunda təmizlik və dezinfeksiya tədbirlərinin aparılmaması və s.) müəyyən edilib. Eyni zamanda 23 məktəbdə yararlılıq müddəti bitmiş, 5 məktəbdə isə bufetdə satılması qadağan edilən məhsullar aşkarlanıb.
Nöqsanlar aşkarlanan məktəblərdən 16-ı Gəncədə yerləşən ümumtəhsil müəssisidir. Həmin məktəbləri təqdim edirik:
Gəncə şəhər Ə.Cavad adına 2 nömrəli tam orta məktəb;
Gəncə şəhər Cəfər Cabbarlı adına 6 nömrəli tam orta məktəb;
Gəncə şəhər M.C.Paşayev adına 39 nömrəli tam orta məktəb;
Gəncə şəhər İ.Qayıbov adına 1 nömrəli pilot tam orta məktəb;
Gəncə şəhər 27 nömrəli məktəb-lisey;
Gəncə şəhər M.Ə.Sabir adına 5 nömrəli tam orta məktəb;
Gəncə şəhər M.A.Abbaszadə adına 20 nömrəli orta məktəb;
Gəncə şəhər Nizami Aydın adına 18 nömrəli orta məktəb;
Gəncə şəhər 29 nömrəli tam orta məktəb;
Gəncə şəhər 17 nömrəli tam orta məktəb;
Gəncə şəhər M.S.Vazeh adına 16 nömrəli tam orta məktəb;
Gəncə şəhər 7 nömrəli tam orta məktəb;
Gəncə şəhər M.P.Vaqif adına 8 nömrəli tam orta məktəb;
Gəncə şəhər 30 nömrəli tam orta məktəb;
Gəncə şəhər M.Müşfiq adına 14 nömrəli tam orta məktəb;
Gəncə şəhər V.Əliyev adına 12 nömrəli tam orta məktəb.
Yararlılıq müddəti bitmiş və satılması qadağan edilmiş məhsullar dərhal satışdan kənarlaşdırılıb. Aşkar olunmuş uyğunsuzluqlarla bağlı məsul şəxslər barəsində inzibati tədbir görülüb, icrası məcburi göstərişlər verilib. Eyni zamanda, məsələnin ciddi şəkildə nəzarətə götürülməsi üçün Elm və Təhsil Nazirliyinə və regional təhsil idarələrinə məktublar ünvanlanıb.
Qeyd edək ki, Gəncədə 45 məktəb var.
