Qurbanlıq heyvan kəsimi və satışının sağlam və rahat şəraitdə həyata keçirilməsi məqsədilə bu il ölkə üzrə 134 ünvanda qurbanlıq heyvanların satışı və kəsimi xidmətləri təşkil olunacaq.
Gencexeber.az-a bu barədə Qida Təhlükəsizliyi Agentliyindən məlumat verilib.
Bunlardan 76-da həm kəsim, həm satış, 27-də qurbanlıq heyvanların yalnız satışı, 31-də isə yalnız heyvan kəsimi xidmətləri təklif olunacaq.
Həmin məntəqələrdə baytarlıq nəzarətindən keçmiş və sanitar-gigiyenik tələblər gözlənilməklə kəsilmiş qurbanlıq heyvanlar əhaliyə təqdim olunacaq. Bununla yanaşı, bir sıra regionlarda Qida Təhlükəsizliyi Agentliyi ilə razılaşdırılmaqla səyyar heyvan kəsimi çadırları quraşdırılaraq qurbanlıq heyvanların baytarlıq nəzarəti altında kəsimi və satışı təmin ediləcək.
Gəncədə kəsim-satış keçiriləcək ərazilər - Müseyib Bağırov küçəsi; "İmamzadə" ziyarət kompleksinin qurbangahı.
Yalnız kəsim olacaq ərazilər isə - "Kəpəz-Bazarı" ASC-nin yaxınlığı; "Ət Kombinatı" adlanan ərazi.
