Gəncə İdman Sarayında keçiriləcək REGİONAL EXPO GƏNCƏ 2026 – Sahibkarların Təqdimat Sərgisi Qərb regionunun dövlət və özəl müəssisələrini, sahibkarlarını və şirkətlərini vahid biznes platformasında bir araya gətirəcək.
Gencexeber.az bildirir ki, Gəncə Şəhər İcra Hakimiyyətinin dəstəyi ilə TECHERA, "Gəncə İş Adamları" İctimai Birliyi, Gənc Bloqerlər və Aktiv Rəqəmsal İstifadəçilər (GBARU) tərəfindən təşkil olunan tədbirin rəsmi tərəfdaşı Azərbaycan Dövlət Aqrar Universitetidir.
Noyabrın 20-21-də keçiriləcək sərgidə 100-dən çox müəssisənin iştirakı və 10.000-dən artıq ziyarətçinin qatılması gözlənilir. Sərgi regional sahibkarların yeni müştəri və tərəfdaşlarla əlaqə qurmasına, investorlar və dövlət qurumları ilə birbaşa görüşlər keçirməsinə, yeni bazarlara çıxış və ixrac imkanlarını araşdırmasına şərait yaradacaq.
Tədbirin əsas məqsədlərindən biri Bakı ilə regionlar arasında biznes əlaqələrini gücləndirmək və Qərb regionunun iqtisadi potensialını daha geniş auditoriyaya təqdim etməkdir.
