Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən şəhər ərazisində genişmiqyaslı təmizlik işləri həyata keçirilib.
Gencexeber.az bildirir ki, təmizlik aksiyası Gəncə çayının məcrasında, Məmməd Bürcəliyev və Mirzə Fətəli Axundov küçələrində baş tutub.
Yağıntılı hava şəraiti səbəbindən çayda suyun səviyyəsinin yüksək olmasına baxmayaraq MKTİB-nin əməkdaşları çətinliklə də olsa çayın məcrasında təmizlik işləri apara biliblər. Məsuliyyətsiz sakinlər tərəfindən çaya atılan plastik butulkalar və digər tullantılar bir yerə yığılaraq ərazidən daşınması təmin edilib. Bundan başqa çay ətrafı ərazilər məişət tullantılarından, alaq otlarından, eləcə də daş, qum və toz-torpaqdan təmizlənib, səki və bordürların dibi süpürülüb.
