Gəncə şəhər Mənzil Kommunal Təsərrüfatı İstehsalat Birliyinin (MKTİB) canlı qüvvəsi və xüsusi təyinatlı texnikaları vasitəsilə Gəncəçayının məcrasında, həmçinin sağ və sol sahilində təmizlik aksiyası keçirilib.
Gencexeber.az bildirir ki, təmizlik işləri çərçivəsində körpülərin ətrafında, çayın məcrasında və çaykənarı ərazilərdə yığılıb qalan məişət tullantıları, ağac qırıntıları, kol-kos və alaq otları bir yerə yığılaraq daşınıb.
Gəncəçayının sağ və sol hissəsində mövcud zibil konteynerləri boşaldılıb, ətrafında səliqə-sahman yaradılıb.
Qeyd edək ki, çayın məcrasında aparılan təmizlik işləri hər həftə təşkil olunur.
