Xəbər verdiyimiz kimi, Gəncə şəhər stadionunda yeni ot örtüyünün salınması işləri yekunlaşır.
Gencexeber.az-ın məlumatına görə, stadionda həyata keçirilən yenidənqurma işləri çərçivəsində əsas meydançaya xalça üsulu ilə döşənən yeni hibrid ot örtüyünün birinci biçimi həyata keçirilib. Bundan əlavə, müxtəlif idman yarışları zamanı istifadə olunacaq nəhəng məlumat tablosu da quraşdırılıb.
Xatırladaq ki, FIFA Şurasının 2025-ci il 2 oktyabr tarixli iclasında 20 yaşınadək (U20) kişilər arasında futbol üzrə dünya çempionatının 2027-ci ildə Azərbaycan və Özbəkistanda keçirilməsi barədə qərar qəbul edilib. Mötəbər turnirin bəzi oyunlarının Gəncə şəhər stadionunda təşkil olunacağı gözlənilir.
Onu da qeyd edək ki, "Kəpəz" futbol klubunun yeni mövsümdə ev oyunlarını doğma meydanda keçirməsi planlaşdırılır.
