Gəncə şəhər stadionunda ot örtüyünün salınmasına başlanıldığı iddia olunur.
Gencexeber.az məlumat verir ki, "Kəpəz"in doğma arenası olan Gəncə şəhər stadionu ilə bağlı sosial şəbəkələrdə görüntülər yayılıb. Həmin görüntülərdə stadionun əsas meydançasına xalça üsulu ilə hibrid ot örtüyünün salındığı əks olunub.
İddialara görə, görülən işlərin aprelin 20-dək yekunlaşdırılması planlaşdırılır. Bundan sonra isə sahəyə toxumların səpilməsi mərhələsinə start veriləcək.
Bildirilib ki, növbəti 45-60 gün ərzində meydança oyunların keçirilməsi üçün tam hazır vəziyyətə gətiriləcək.
Qeyd edək ki, məsələ ilə bağlı hələlik rəsmi qurumlar tərəfindən açıqlama verilməyib.
