Gəncə Memorial Kompleksinin ərazisində yerləşən və bir müddət axşam saatlarında qaranlığa qərq olan istirahət guşəsində işıqlandırma sistemi yenidən istifadəyə verilib.
Gencexeber.az-ın məlumatına görə, vətəndaşların çoxsaylı müraciət və şikayətlərindən sonra problem aradan qaldırılıb. Hazırda ictimai əhəmiyyətə malik parkda işıqlandırma təxminən 20 gündür fasiləsiz olaraq işləyir.
İşıqlandırmanın bərpası nəticəsində ərazi axşam saatlarında sakinlərin istirahəti, gəzintisi və təhlükəsiz hərəkəti üçün daha əlverişli vəziyyətə gətirilib.
Qeyd edək ki, Gəncə Memorial Kompleksi 2020-ci ildə Gəncə şəhərinə raket hücumları zamanı həlak olan dinc sakinlərin xatirəsini əbədiləşdirmək məqsədilə inşa edilib.
