2025-ci ildə Gəncə şəhərində əhali tərəfindən istehlak olunan elektrik enerjisi və təbii qazın həcmi açıqlanıb.
Gencexeber.az-ın Dövlət Statistika Komitəsindən əldə etdiyi məlumata görə, ötən il Gəncə şəhərində əhali 204,4 milyon kilovat-saat elektrik enerjisi istehlak edib. Müqayisə üçün qeyd edək ki, 2021-ci ildə şəhər üzrə elektrik enerjisi istehlakı 197,7 milyon kilovat-saat təşkil edib.
Beləliklə, son 4 ildə Gəncə əhalisinin elektrik enerjisi istehlakı 6,7 milyon kilovat-saat artıb.
Təbii qaz istehlakında da artım qeydə alınıb. Belə ki, 2025-ci ildə Gəncə şəhərində əhali 145,3 milyon kubmetr təbii qaz istifadə edib. Bu göstərici 2021-ci ildə 139,7 milyon kubmetr olub.
Nəticədə, şəhər əhalisinin təbii qaz istehlakı son 4 ildə 5,6 milyon kubmetr yüksəlib.
Qeyd edək ki, 2025-ci ildə Gəncə-Daşkəsən iqtisadi rayonu üzrə ümumi elektrik enerjisi istehlakı 345,6 milyon kilovat-saat, təbii qaz istehlakı isə 251,4 milyon kubmetr təşkil edib.
