Fikrət Əmirov adına Gəncə Dövlət Filarmoniyasında ilk dəfə "Sözün gücü" layihəsi təqdim olunub.
Gencexeber.az məlumat verir ki, layihə çərçivəsində Filarmoniyanın Urban Mərkəzində Xalq şairi Səməd Vurğuna həsr olunmuş "Vurğunun qiraət gecəsi" keçirilib.
Tədbirdə Gəncə şəhər 1 və 4 nömrəli Uşaq Musiqi Məktəbinin şagirdləri, qiraətçilər - İmamverdi Vəliyev, Əsgər Məmmədov, Lalə Həsəncan, Zülfiyyə Yaqub şairin "Dünya", "Şair, nə tez qocaldın sən", "Gözlər", "Lalə", "Vurğun dünyası", "Azərbaycan" şeirlərini, "Aygün" poemasından Əmirxanın monoloqu və "Vaqif" dramından Qacarla Vaqifin dialoqunu səsləndiriblər.
Qeyd edək ki, layihə çərçivəsində mütəmadi olaraq Azərbaycanın görkəmli yazıçı və şairləri yad ediləcək.
