2026/2027-ci tədris ili üzrə bakalavriat səviyyəsinə qəbul imtahanlarında yüksək nəticə göstərərək Gəncə Dövlət Universitetini seçən tələbələrin adları açıqlanıb.
Gencexeber.az məlumat verir ki, ali təhsil ocağına yüksək balla qəbul olunanlar arasında Gəncədə fəaliyyət göstərən müxtəlif məktəblərindən məzun olan tələbələr yer alıb.
Belə ki, Xədicə Radif qızı Ələkbərova 673,1 bal toplayaraq Gəncə Dövlət Universitetinin Azərbaycan dili və ədəbiyyatı müəllimliyi ixtisasına qəbul olub. O, Gəncə şəhəri Ə. Cavad adına 2 nömrəli tam orta məktəbin məzunudur.
Sevinc Aslan qızı Qafarova 619,6 balla Azərbaycan dili və ədəbiyyatı müəllimliyi ixtisasını seçib. O, Kəlbəcər rayon 69 saylı tam orta məktəbin məzunudur.
Asiyə Siruyə qızı Fərəcova 612,1 bal toplayaraq Xarici dil müəllimliyi (ingilis dili üzrə) ixtisasına qəbul olub. O, Gəncə şəhəri 3 saylı tam orta məktəbin məzunudur.
Nuray Eldəniz qızı Həsənova isə 600,9 balla Xarici dil müəllimliyi (ingilis dili üzrə) ixtisasına qəbul olub. Nuray Həsənova Kəlbəcər rayon 98 saylı tam orta məktəbin məzunudur.
