Gəncədə oxuyan tələbələr intellektual oyunun qalibi olublar. Bu haqda 13 mart tarixində GDU-ya istinadən məlumat veririk.
Mingəçevir şəhərində Azərbaycan Kuboku layihəsi çərçivəsində region gəncləri arasında intellektual yarış keçirilib. Burada Gəncə Dövlət Universitetinin komandası da mübarizə aparıb.
Yarışda ilk növbədə qruplar müxtəlif mövzular üzrə biliklərini sınayıb. Ən üstün nəticə göstərən komandalar növbəti mərhələyə yüksəlib. Final mərhələsində Gəncə Dövlət Universitetinin komandası qalib gələrək kubok və medal qazanıb.
Qeyd edək ki, layihənin məqsədi gənclərin inkişafına xidmət edərək onların intellektual düşüncəsinin, bilik və bacarıqlarının artırılması, ölkə miqyaslı yarışlara hazırlıq, gənclərin asudə vaxtlarının səmərəli təşkili olub.
